Според најновите ажурирани прогностички материјали, многувлажниот период со чести и обилни врнежи од дожд, како и снег на планините, ќе продолжи и во наредните месеци. Од февруари до април 2026 година, Балканот ќе биде под влијание на циклонски активности, кои ќе предизвикаат повторување на обилни врнежи.
Појава на снег ќе има не само на планините и повисоките места, туку, заради повремените продори на студен воздух од север, можна е и појава на снег во пониските места и градовите, што е ретко за овој период од годината.
Опасност од поплави
Со оглед на претстојните обилни врнежи, повторно постои опасност од поплави во поширокиот дел од Балканот, вклучувајќи ја и Македонија. Најголема внимателност се препорачува за западните региони на земјата, каде, според моменталната состојба на прогностичките модели, ризикот од излевање на реките е најголем.
Граѓаните се советуваат да се подготват навреме за новите врнежи од дожд и снег, да ги следат официјалните известувања од хидрометеоролошките служби и да преземат мерки за заштита од потенцијални поплави и штети врз имотот.
