Полицијата во Ниш уапси 36-годишен маж осомничен за сериозна измама при купопродажба на фирма, додека по неговиот соучесник сè уште интензивно се трага. Акцијата е спроведена од припадници на Управата за криминалистичка полиција, Секторот за сузбивање на стопански криминал и Полициската управа во Ниш, по налог на Основното јавно обвинителство.
Според досегашните сознанија од истрагата, осомничениот М. С. заедно со уште едно лице стапил во договор со одговорно лице на приватна компанија од Ниш, претставувајќи се како сериозен купувач. Тие наводно ветиле дека ќе ја исплатат целокупната сума за купување на фирмата, со што го довеле сопственикот во заблуда.
Верувајќи во договорот, оштетениот им ја предал движната имотна сопственост на претпријатието. Наместо исплата, следувал шок – ветените 25.000 евра никогаш не биле уплатени, а осомничените веднаш го прекинале секој контакт со него и исчезнале.
Полицијата успеала да го лоцира и уапси едниот осомничен, додека по второто лице сè уште се трага. На уапсениот му е одреден притвор од 48 часа, по што со кривична пријава ќе биде изведен пред надлежниот обвинител.
Истражните органи продолжуваат со работата за целосно расчистување на случајот и утврдување дали осомничените се поврзани и со други слични измами.
