Со посетите на Дреново и Возарци завршија средбите со граѓаните во урбаните и месните заедници на територијата на Кавадарци.
Последните разговори на терен беа посветени на потребите на жителите од овие две населени места, нивните предлози, идеи и конкретни иницијативи за подобрување на условите за секојдневен живот.
Со завршувањето на посетите, како што информираат од Општината, е добиен појасен преглед на приоритетите во сите урбани и месни заедници. Изнесените барања и предлози ќе бидат земени предвид при подготовката на Програмата за работа за 2027 година.
Од Општината порачуваат дека остануваат посветени на развој заснован на јасна визија, конкретни планови и рамноправен пристап кон секое населено место.
„Кавадарци го градиме заедно, со граѓаните и за граѓаните“, е пораката со која се заокружува циклусот средби.
