Страшна вест денеска се прошири најпрво низ Скопје, а потоа и низ целата земја – млад тинејџер си го одзел животот. Настанот ја потресе јавноста и повторно ја отвори болната тема за менталното здравје кај младите.
Иако деталите за случајот се познати, од почит кон семејството и чувствителноста на темата, тие нема да бидат објавени. Веста предизвика шок и тага кај многумина, а на социјалните мрежи веќе се појавија изрази на сочувство и повици за поголемо внимание кон емоционалната состојба на младите.
Стручњаците апелираат дека е неопходно да се зборува отворено за менталното здравје, да се слушаат младите и да се создава поддржувачка средина, во која секој ќе знае дека не е сам.
