Министерството за внатрешни работи известува дека утре, 25.01.2026 година, во рамки на проектот „Безбеден град“, ќе се спроведуваат активности за тестирање, калибрација и верификација на поставените камери за сообраќаен надзор во Куманово и Тетово.
Активностите ќе се одвиваат од 08:00 до 20:00 часот, а на секоја локација камерите ќе бидат проверувани еднократно и кратко – од 15 до 30 минути. За тоа време, сообраќајот привремено нема да се пропушта, по што ќе продолжи нормално.
Граѓаните и возачите се повикуваат на трпение, разбирање и соработка, за тестирањето да се спроведе непречено и безбедно, со цел подобра контрола и безбедност на сообраќајот во градовите.
