Морничави снимки од нападот на Тајлер Браун (46), кој почнал по случаен избор да решета автомобили на прометна сообраќајница во Кембриџ, Масачусетс, се проширија на социјалните мрежи. Во престрелката две лица се тешко повредени, а хаосот завршил дури по интервенција на полицијата и вооружен поранешен маринец.
Хаос на патот „Меморијал Драјв“ Инцидентот се случил попладнево, откако полицијата од Бостон ги известила колегите во Кембриџ дека Браун, кој покажувал знаци на непресметливо однесување, се движи кон нивниот град вооружен со јуришна пушка. Набрзо потоа настанал вистински пекол:
- Случајни цели: Напаѓачот пукал во сите правци – кон возилата, но и во воздух.
- Тешко повредени: Двајца мажи се пренесени во болница со повреди опасни по живот. Еден од нив бил возач на комбе за превоз на лица со инвалидитет.
- Паника кај возачите: На снимките се гледа како преплашените возачи ги напуштаат своите возила среде пат и трчаат во обид да најдат заклон.
Поранешен маринец му помогнал на полицаецот Крвавиот пир бил прекинат благодарение на брзата реакција на еден припадник на државната полиција и еден храбар граѓанин. Станува збор за поранешен маринец кој легално поседувал оружје и се нашол на местото на настанот. Тие двајца отвориле оган кон Браун, погодувајќи го неколку пати во екстремитетите, по што напаѓачот бил совладан и лишен од слобода.
Полицијата продолжува со истрагата за мотивите на овој брутален напад кој за малку ќе завршеше со уште потешки последици.
