Рускиот државен трезор и Министерството за финансии објавија дека за првпат во Русија е исплатена плата во дигитални рубљи. Примателот е вработен во државната служба, но неговото име и позиција не се откриени.
Од 1 јануари 2026 година, Централната банка на Русија ќе овозможи водење сметки во дигитални рубљи и вршење трансакции, вклучително и плаќања од федералниот буџет, но само со согласност на примателот.
Сепак, граѓаните се скептични кон новата валута: само 6% се подготвени да отворат сметка во дигитални рубљи, 34% знаат за нејзиното постоење, но не сакаат да ја користат, а 41% дури и не знаат дека постои дигитална руска валута. Најпопуларна сè уште е готовината, која ја користат 43% од граѓаните, додека 32% чуваат пари во хартиена форма.
