Рускиот град Белгород вчера беше погоден од, како што регионалниот гувернер Вјачеслав Гладков го опиша, „најмасовниот“ напад врз градот, при што наводно биле користени американските ракетни системи HIMARS.
Според прелиминарните информации, нема жртви, но е забележана штета на енергетската инфраструктура. На терен веднаш се испратени служби за итни случаи за да ја проценат ситуацијата.
Гладков нагласи дека помошната зграда на комуналната компанија била погодена од пожар, а пожар избувнал и во еден од дворовите во градот. Дополнително, оштетени биле покривите во селото Таврово.
Белгородската област граничи со украинските области Суми, Харков и Луганск, и често се користи како база за руски напади врз украинска територија.
Украинскиот претседател Володимир Зеленски предупреди дека Украина ќе возврати врз рускиот енергетски сектор доколку Москва продолжи да ја таргетира енергетската мрежа на Киев.
