Лорен Симонс, само 15 години стар, ја одбрани својата докторска дисертација по квантна физика на Универзитетот во Антверпен, со тема „Бозе поларони во суперфлуиди и суперцврсти тела“, и сега поставува уште поамбициозна цел: да ја отклучи човечката бесмртност преку медицински истражувања.
Лоран, кој уште како дете се сметал за „чудо од дете“, завршил средно училиште на само 8 години, а на 12 години станал магистер по квантна физика. Со неверојатна брзина ги завршил студиите, вклучувајќи и пракса по квантна оптика на Институтот „Макс Планк“ во Германија, каде го истражувал пресекот на физиката и медицината.
– „По ова ќе почнам да работам на мојата цел за создавање натчовечки суштества“, изјавил Лоран, кој веќе како 11-годишник го дефинирал истражувањето на човечката бесмртност како своја „крајна цел“.
Со коефициент на интелигенција од 145, класифициран како високо надарен, Лоран веќе се запишал на нова докторска програма по медицински науки и вештачка интелигенција во Минхен, со што неговите амбиции стануваат меѓународно следени и потенцијално револуционерни.
Овој млад гениј не само што го руши секој рекорд за возраст и образование, туку и се стреми кон најголемите научни и медицински предизвици на човештвото.
