Ужасен инцидент се случи на мост во кинеската провинција Гуангдонг, каде татко го зграпчи своето дете и го фрли во река за време на расправија со сопругата, објави „The Sun“.
Снимката прикажува маж и жена во жестока расправија, додека нивните две мали деца се во близина. Одеднаш, мажот зграпчи едно од децата и го фрли преку оградата на мостот во водата, каде детето веднаш исчезнува под површината.
Мајката остана замрзната во шок неколку секунди, а потоа скокна во реката обидувајќи се да го спаси детето. Откако сфати што направил, таткото исто така скокна во водата. Друго дете на мостот врескаше од страв додека ги гледаше драматичните сцени.
Според локалните извештаи, двојката застанала на мостот кога расправијата излегла од контрола, а шокираните минувачи брзо побрзале да помогнат. Сведоците велат дека мајката, таткото и детето се бореле да останат на површина неколку минути, додека не им фрлиле парче од трупец за да се фатат.
Сите тројца беа извлечени безбедно на брегот, а сè уште не е познато дали полицијата ќе отвори истрага за шокантниот инцидент.
