Американската војска во текот на ноќта извршила масовни напади врз ирански бункери за муниција во близина на Исфахан, судејќи според снимките што се појавија на интернет и брзо се проширија на социјалните мрежи.
Американскиот претседател Доналд Трамп објавил едно од видеата на својата платформа Truth Social, на кое се гледа употреба на специјални бомби наменети за пробивање на бункери. На снимката се забележуваат серија силни експлозии кои го осветлуваат ноќното небо, создавајќи драматична и вознемирувачка сцена.
Во меѓувреме, израелската армија (ИДФ) соопшти дека неодамна завршила уште еден бран воздушни напади на територијата на Иран. Според нивните информации, целите биле поврзани со инфраструктура на иранскиот режим.
Од војската посочуваат дека нападите биле прецизни и насочени кон конкретни објекти, а најавено е дека повеќе детали за операцијата ќе бидат објавени дополнително, пренесуваат медиумите.
