Трамп размислува да се приклучи на руско-украинските преговори во Турција
Претседателот на САД, Доналд Трамп, денеска изјави дека размислува да се приклучи на претстојните преговори меѓу Русија и Украина, закажани за четврток во Турција.
„Мислам дека состанокот во четврток меѓу Русија и Украина во Турција би можел да даде позитивни резултати“, изјави Трамп на настан одржан во Белата куќа, пренесе агенцијата Ројтерс.
Тој најави дека од утре до 16 мај ќе биде во посета на земјите од Персискиот Залив, но додаде дека размислува да „прелета“ во Турција и директно да се приклучи на преговорите.
Ваквиот потег, доколку се реализира, би претставувал значаен дипломатски исчекор во обидите за прекин на конфликтот меѓу Москва и Киев.
