Американскиот претседател Доналд Трамп изјави дека Израел и Хамас се блиску до постигнување „некаков вид договор“ за потенцијален прекин на огнот. Тој посочи дека на Генералното собрание на ОН имал „одлична средба“ со лидерите на Катар, Саудиска Арабија, Обединетите Арапски Емирати и Јордан, каде биле донесени значајни одлуки.
Трамп нагласи дека една од клучните цели е враќањето на заложниците и дека ќе продолжи да преговара со Израел за финализирање на пактот. Тој додаде дека и покрај напорите, многу луѓе сè уште умираат, но постои волја да се најде решение за безбедноста и слободата на заложниците.
