ПРВ.мк
Свет

ТРАМП ДОБИ КРАЛСКИ ПРЕЧЕК, А ПУТИН? Погледнете кого Кина испрати да го пречека рускиот претседател!

ТРАМП ДОБИ КРАЛСКИ ПРЕЧЕК, А ПУТИН? Погледнете кого Кина испрати да го пречека рускиот претседател!

Посетата на рускиот претседател Владимир Путин на Кина предизвика бројни реакции откако дел од аналитичарите оценија дека кинеските домаќини му приредиле значително поскромен пречек отколку на американскиот претседател Доналд Трамп.

За време на трилатералниот самит во Шенжен, кинескиот претседател Си Џинпинг лично го пречекал Трамп на аеродромот, додека за пречекот на Путин бил задолжен Цаи Чи, еден од највлијателните функционери на Комунистичката партија на Кина.

Разликата во дипломатскиот протокол предизвика шпекулации дека Пекинг намерно сакал да му испрати порака на Москва.

Украинскиот политички коментатор Антон Герашченко оцени дека рускиот претседател бил јавно понижен, наведувајќи дека начинот на пречекот го покажува неговиот однос со кинеското раководство.

Дополнително внимание привлече и распоредот на свечената вечера. Путин седел спроти сопругата на кинескиот претседател, Пенг Лијуан, а не во непосредна близина на Трамп и Си Џинпинг.

Советникот на Путин, Јуриј Ушаков, потврдил дека ваквиот распоред не овозможувал директна комуникација меѓу тројцата лидери за време на вечерата.

Сепак, дел од експертите предупредуваат дека ваквите протоколарни детали не се доказ за намерно понижување.

Според нив, кинескиот претседател можеби сакал да му приреди посебен пречек на Трамп, имајќи предвид дека американскиот лидер претходно го пречекал Си при неговата посета на САД.

Аналитичарите посочуваат и дека Русија станува сè позависна од кинеската економија поради западните санкции, што создава нерамнотежа во односите меѓу двете држави.

Од друга страна, самото учество на Путин на заеднички самит со лидерите на САД и Кина може да се смета за дипломатски успех, бидејќи му овозможува да покаже дека Русија не е целосно меѓународно изолирана.

Дали станува збор за намерна дипломатска порака или само за различен протокол, засега останува предмет на толкување.

Погледнете го видеото тука!