Шокантен инцидент се случи во крајбрежниот забавен парк „Кони Бич“ во Порткоул, Велс, кога вовчето „Ваки Ворм“ излета од шините, оставајќи бројни деца повредени. Според полицијата на Јужен Велс, 13 деца и еден возрасен претрпеа полесни повреди, а некои од нив се пренесени во болница за дополнителна нега.
Снимките од местото на несреќата покажуваат возрасни кои помагаат децата да излезат од возилото, додека еден од вагоните останал да виси во воздух, надвор од шините. Сведоците известуваат дека некои од децата биле крвави по ударот, што ја потенцира сериозноста на инцидентот.
„Бевме повикани во паркот околу 17:50 по несреќа на едно од возилата. Моментално можеме да потврдиме дека 13 деца и еден возрасен претрпеа полесни повреди. На некои им е потребна болничка нега. Забавниот парк ќе остане затворен утре додека полицијата и инспекторите за здравје и безбедност спроведуваат истрага“, соопшти полицијата.
Од паркот „Кони Бич“ истакнуваат дека полицијата ги повикала да го испразнат паркот за истрага и најавија дека ќе ги враќаат средствата на посетителите колку што е можно побрзо. Инцидентот отвори прашања за безбедноста на атракциите и ќе биде темелно испитан од властите.
