Трагедија ја потресе грчката заедница Дамаси во регионот Лариса, каде што 49-годишна сопственичка на пекарница трагично го загуби животот во раните утрински часови.
Според локалните медиуми, несреќата се случила додека жената работела во својата пекарница – нејзината коса се заплеткала во машината за тесто, предизвикувајќи смртоносни повреди.
И покрај брзата реакција на вработените и пристигнувањето на итната служба, лекарите не успеале да ја реанимираат.
Полицијата спроведува истрага за утврдување на точните околности и дали биле почитувани сите безбедносни стандарди на работното место.
Локалната заедница е во шок по смртта на жената, која била добро позната и омилена меѓу жителите на Дамаси.
Грчките медиуми пренесуваат дека истиот ден се случила и друга трагедија – 40-годишен месар во Кукуш починал поради повреда на феморалната артерија додека работел во својата месарница.
