Тешка несреќа се случи на реката Нил кога два брода за крстарење се судрија во близина на градот Есна, Египет. Според првичните информации, силата на ударот предизвикала сериозни оштетувања на предниот дел од еден од бродовите, а меѓу жртвите е и 47-годишна Италијанка, која починала од повредите.
На бродот патувале околу 70 италијански туристи, а дел од нив паднале во вода и биле спасени. Египетските власти веднаш започнале истрага за утврдување на причините за несреќата, при што се сомневаат дека можела да има навигациска грешка при поминувањето низ пристаништето Есна.
Туристите се во шок, а полицијата продолжува со испитувања и обезбедување на бродовите и преживеаните патници.
