Американскиот министер за финансии, Скот Бесент, истакна дека САД треба да преземат директна улога во обезбедувањето на безбедноста на Гренланд, тврдејќи дека Европа нема доволен капацитет да го гарантира безбедниот статус на овој стратешки арктички регион.
Во интервју за американската емисија „Meet the Press“, Бесент рече: „Европа е премногу слаба за да се брани. САД мора да ја преземат контролата врз Гренланд за да ја обезбедат стабилноста и безбедноста во Арктикот.“
Изјавата веднаш предизвика реакции во Европа, каде ваквиот став се толкува како притисок врз суверенитетот на Данска и Гренланд. Стручњаците истакнуваат дека ова е уште еден сигнал за засилена геополитичка конкуренција меѓу големите сили за контрола на Арктикот, кој е богат со природни ресурси и стратешки поморски патишта.
