Израелскиот премиер Бенјамин Нетанјаху изјави дека латинскиот патријарх на Ерусалим од сега ќе има „полн и моментален пристап“ до Црквата на Светиот гроб, откако полицијата во неделата наутро го спречи да служи света Литургија за празникот Цветници.
- „Дав инструкција до надлежните власти да му се овозможи на кардиналот Пјербатиста Пикабала, латински патријарх, полн и моментален пристап до Црквата на Светиот гроб во Ерусалим“ – напиша Нетанјаху доцна синоќа на мрежата Икс.
Нетанјаху: Латинскиот патријарх ќе има дозволен пристап Тој посочи дека во изминатите денови Иран повеќепати гаѓал свети места на сите три монотеистички религии во Ерусалим со балистички ракети, а во еден напад делови од ракета паднале само неколку метри од Црквата на Светиот гроб.
- „За да ги заштитиме верниците, Израел замоли припадниците на сите верски заедници привремено да се воздржат од богослужби и молитви во христијанските, муслиманските и еврејските свети места во Стариот град на Ерусалим“ – напиша Нетанјаху.
Додаде дека и во неделата кардиналот Пикабала бил замолен да се воздржи од служење света Литургија во Црквата на Светиот гроб.
- „Иако ја разбирам загриженоста, веднаш штом слушнав за инцидентот со кардиналот Пикабала, наредив властите да му овозможат на патријархот да служи по своја желба“ – истакна израелскиот премиер.
Кардниал Пјербатиста Пикабала, латински патријарх на Ерусалим Фото: Ammar Awad/Pool Photo / Tanjug/AP
Вчера наутро израелските полицајци го спречиле патријархот на Ерусалим, кардиналот Пјербатиста Пикабала, поглаварот на Кустодијата на Светата земја, отецот Франческо Јелпа, и христијанските верници да пристапат до Црквата на Светиот гроб во Стариот град на Ерусалим за Литургија за празникот Цветници, што предизвика огорченост кај многу сојузници на Израел.
Претседателот на Израел, Исак Херцог, го повика патријархот Пикабала за да му изрази „големо жалење“ поради одлуката на израелските полицајци да го спречат службата на празничната Литургија во Црквата на Светиот гроб.
Калас го осуди забранетиот пристап до Светиот Гроб како кршење на верските слободи Високата претставничка на Европската Унија за надворешна политика и безбедност, Каја Калас, синоќа осуди „кршење на верските слободи“ откако израелската полиција го спречи латинскиот патријарх на Ерусалим да служи Литургија за христијанскиот празник Цветници во Црквата на Светиот гроб.
- „Одлуката на израелската полиција да му се забрани на латинскиот патријарх на Ерусалим пристап до Црквата на Светиот гроб за Цветници претставува кршење на верските слободи и долгорочните заштити кои ги опкружуваат светите места“ – истакна Калас во објава на социјалната мрежа Икс.
Таа додаде дека слободата на вероисповед во Ерусалим мора целосно да биде гарантирана, без исклучоци, за сите религии.
- „Мултирелигискиот карактер на Ерусалим мора да биде заштитен“ – нагласи Калас.
