Турција го зајакнува својот воздушен штит со новиот интегриран систем „Челична купола“, развиен од турскиот одбранбен гигант Аселсан. Системот опфаќа 47 нови возила, кои вклучуваат радари, електронско војување и противвоздушни системи, со цел да ја обезбедат целосната заштита од закани од ниска, средна и голема надморска височина.
Турскиот претседател Реџеп Таип Ердоган го опиша системот како „безбедносен чадор“ кој ќе внесе доверба кај пријателите и страв кај непријателите. Челичната купола комбинира повеќе национални системи како противвоздушниот топ Коркут, системите Хисар А+ и Хисар 0+, како и системите Сипер и Гурз, кои обезбедуваат заштита од авиони, хеликоптери, беспилотни летала, крстосувачки и балистички ракети.
Дополнително, Турската индустрија развива напредни ракетни и ласерски системи како Ѓокберк, Алка, Ѓоктуг и други хибридни решенија кои ја зголемуваат оперативната ефикасност на вооружените сили. Сите овие технологии ја позиционираат Турција во „различна лига“ во воздушната одбрана, обезбедувајќи високо ниво на заштита на критични објекти, воени единици и градови.
