Во Јанина требаше да се одржи голем концерт со Ана Виси, Антонис Ремос и групата „Bees“, но настанот беше откажан поради невреме. Неколку часа пред почетокот, силните ветрови што зафатија дел од градот ја урнаа целата сцена поставена на плоштадот Мавили.
Иако Националната метеоролошка служба однапред предупреди на промена на времето, сцената беше монтирана уште претходниот ден. Денес, поради уривањето, настаната е значителна материјална штета врз опремата.
Организаторите соопштија дека концертот мора да се откаже. За среќа, во моментот на несреќата на сцената и околу неа немало луѓе, па повредени лица нема.
