Потпретседателот на САД, Џеј Ди Венс, изјави дека е подготвен во секој момент да ја преземе претседателската функција доколку нешто му се случи на Доналд Трамп. Во интервју за „Ју-Ес-Еј Тудеј“ тој нагласи дека иако се појавија сомнежи околу здравствената состојба на Трамп, претседателот е во одлична форма и има неверојатна енергија.
„И покрај тоа што луѓето околу него се далеку помлади, Трамп е последниот што легнува да спие и првиот што станува и се јавува наутро“, рече Венс. Тој додаде дека е свесен дека трагедии можат да се случат, но дека изминатите 200 дена покрај Трамп биле најдобрата можна обука за функцијата.
Сомнежите за здравјето на претседателот се појавија откако јавноста забележа модринки на неговите раце, кои, според Белата куќа, биле резултат на неуморната работа и постојаната употреба на рацете, а не од сериозен здравствен проблем.
Според 25-тиот амандман на Уставот на САД, доколку претседателот почине, поднесе оставка или биде отстранет од функцијата, сите негови овластувања автоматски ги презема потпретседателот.
