Во близина на кичевското село Зајас, на магистралниот пат Кичево-Гостивар, денеска се случила сообраќајна несреќа во која учествувало тешко товарно возило, јавува Порта.мк.
Првичните, неофицијални информации велат дека камионот изгубил контрола и излетал од патот, по што делницата била целосно блокирана. На местото веднаш интервенирала екипа од ОВР Кичево и извршила увид.
Несреќата предизвикала метеж и забавено одвивање на сообраќајот на овој магистрален правец. Деталите околу причините и евентуалните последици се очекува да бидат објавени во официјалниот билтен на СВР Охрид.