Во најновата ескалација на конфликтот меѓу Иран и Израел, балистичка ракета ја погоди јужната израелска населба Димона, предизвикувајќи повреди кај повеќе десетици лица. Снимка направена од внатрешноста на една куќа го забележа самиот момент на ударот, при што се гледа силна детонација и ударен бран што ја потресува просторијата, предизвикувајќи паника меѓу присутните.
Снимката брзо се прошири на социјалните мрежи и отвори дилеми за ефикасноста на израелскиот противвоздушен систем, бидејќи проектилот ја погодил целта и покрај активната одбрана.
Димона е од стратешко значење за Израел, со оглед на тоа што во близина се наоѓа нуклеарниот истражувачки центар Негев, што дополнително ја зголемува сериозноста на нападот.
Засега нема официјални информации за точната материјална штета, но нападот се смета за еден од најсилните удари во последниот бран на ескалација меѓу двете земји, кој дополнително ја зголемува тензијата во регионот.
Извор: Скопје1.мк
