Американските берзи се соочија со тежок удар – Дау Џонс, Насдак и S&P 500 паднаа драматично откако податоците за вработеност не ги исполнија очекувањата, а ненадејните царини од Трамп го зголемија притисокот врз пазарот.
Само 73.000 нови вработувања се додадени во јули, далеку под проектираните 100.000. Претходните месеци исто така беа ревидирани надолу – јуни од 147.000 на 14.000, а мај од 125.000 на само 19.000. Овие шокантни бројки сигнализираат сериозно забавување на пазарот на труд.
Дополнително, Трамп воведе нови царини од 10% до 41%, со закана од дополнителни 40% данок за обид за избегнување на тарифите.
Индексите реагираа веднаш:
- Дау Џонс падна за 541 поен (1,2%)
- S&P 500 изгуби 1,6%
- Насдак се намали за 2,1%
Банкарските акции се најдоа на удар – JPMorgan Chase загуби над 2%, Bank of America и Wells Fargo паднаа повеќе од 3%.
Инвеститорите сега се надеваат на брза интервенција од Федералните резерви. Пазарот веќе предвидува 80% шанси дека ќе има намалување на каматната стапка во септември, и тоа порано од очекуваното.
Дали ФЕД ќе го смират пазарот или следува уште поголем шок? Волстрит влегува во неизвесна есен.
