Украина покрена серија напади со беспилотни летала (камиказа-дрондови) носени од метеоролошки балони на голема височина, што предизвика целосен колапс и масовни прекини во авиосообраќајот ширум Русија.
Според извештаите и снимките кои се шират на социјалните мрежи, балоните се користат за пренесување на дроновите на високи височини директно до руската престолнина и други клучни региони, со цел да се парализира руското воздухопловство. Оваа неконвенционална тактика резултираше со приземјување на речиси 1.000 летови и блокирање на илјадници патници на најпрометните руски аеродроми.
Целосен колапс на клучните руски аеродроми
Најголемите руски авио-хабови се соочуваат со сериозни проблеми, доцнења и откажувања:
- Шереметјево (Москва): Најпрометниот московски аеродром беше на мета на напад со дронови лансирани од балони, поради што се формираа огромни редови, а во неговата околина е забележан и густ дим од пад на дрон.
- Внуково (Москва): Аеродромот кој го користат руските функционери и VIP гости забележа 119 доцнења и десетици откажани летови, додека патниците чекаат со денови без соодветни информации.
- Пулково (Санкт Петербург): Регистрирани се 138 доцнења и откажувања поради постојаните закани од беспилотни летала.
- Новосибирск (Сибир): Најголемиот сибирски аеродром исто така се соочува со големи нарушувања кои погодија околу 100 авиони.
Многу патници јавно се жалат на недостаток на навремени информации од руските власти, додека руското Министерство за одбрана во меѓувреме тврди дека за само два дена и половина успело да обори речиси 2.700 украински дронови, што претставува рекорд од почетокот на конфликтот. Украинските безбедносни аналитичари ја оправдуваат акцијата, порачувајќи дека ваквите логистички удари се последица на воената политика на Москва.
ВИДЕО
