Соединетите Американски Држави ја зголемиле безбедносната подготвеност по новите разузнавачки информации според кои Иран наводно е во напредна фаза на подготовка на напади врз американски државјани и функционери, не само на Блискиот Исток, туку и во други делови од светот, вклучително и Европа.
Според информациите што ги објавува „Њујорк тајмс“, американските разузнавачки служби предупредиле дека Техеран ги интензивирал активностите насочени против американски персонал.
Во разузнавачки меморандум доставен до државниот секретар Марко Рубио се наведува дека подготовките за потенцијални смртоносни напади достигнале напредна фаза.
Меѓу можните цели, според американските процени, се споменуваат дипломати, амбасадори и други американски претставници, а потенцијални локации има и во Европа.
Сепак, засега не се објавени конкретни информации за државите, градовите или лицата што би можеле да бидат цел на нападите.
Еден американски функционер предупредил дека постои разлика меѓу намерите на Иран и неговата реална способност да организира напади на голема оддалеченост.
Како превентивна мерка, Вашингтон наредил повлекување на дел од дипломатскиот персонал и нивните семејства од Саудиска Арабија, додека бројот на вработени се намалува и во американските дипломатски претставништва во Јордан, Либан, Катар и Обединетите Арапски Емирати.
Амбасадите продолжуваат со работа, но со намален персонал и ограничени активности.
Предупредувањето доаѓа во период на сериозни тензии меѓу Вашингтон и Техеран, по американско-израелските напади врз Иран што започнаа на 28 февруари.
Според американските медиуми, администрацијата на Доналд Трамп разгледува можност за нови воени напади врз ирански цели по американските избори на 3 ноември, но конечна одлука сè уште не е донесена.
Американските служби стравуваат од можни одмазднички акции на Иран, додека Вашингтон продолжува да ги проценува заканите и да презема дополнителни безбедносни мерки.
И покрај сериозните предупредувања, засега нема ј
