Кипар денеска издаде предупредување поради нови безбедносни закани во близина на базата на РАФ Акротири, но наскоро беше соопштено дека безбедносниот инцидент во британската воена воздухопловна база е завршен.
Становниците на Акротирија добиле предупредување да останат во домовите и да не се приближуваат до прозорите или вратите додека опасноста не помине, пренесува порталот Cyprus Mail.
Портпаролот на кипарската влада по неколку минути соопштил дека узбуната е завршена и дека инцидентот значел присуство на објект.
„Она што го правиме е дека ги проценуваме сите информации и индикатори и активираме мерки и протоколи. Мерките што ги преземаме се превентивни и не занемаруваме ниту една информација“, изјави тој.
Британскиот министер за одбрана Џон Хили е во посета на Кипар за да ги смири тензиите со кипарските власти, откако Велика Британија се соочи со критики поради нападот со ирански дрон врз британската база на Кипар во понеделник, пренесува Sky News.
Европските земји испраќаат поморски сили за заштита на Кипар Италија, Шпанија, Франција и Холандија во наредните денови ќе испратат поморски сили за да го заштитат Кипар, изјави денеска италијанскиот министер за одбрана Гвидо Крозето во парламентот.
Италијанската премиерка Ѓорџа Мелони изјави дека земјата планира да испрати помош за противвоздушна одбрана на земјите од Заливот како одговор на иранските воздушни напади, нагласувајќи ја загриженоста за безбедноста на италијанските граѓани и војници, како и за енергетската безбедност на регионот.
„Како и Велика Британија, Франција и Германија, Италија има намера да им пружи помош на земјите од Заливот, особено во областа на противвоздушна одбрана. Тоа се луѓе кои сакаме и мораме да ги заштитиме“, рече Мелони за радио RTL, додавајќи дека десетици илјади италијански граѓани се во регионот и дека околу 2.000 италијански војници се распоредени во Заливот.
Во понеделник, британската база на Кралското воздухопловство на Кипар беше цел на напад со ирански дрон.
