Пентагон ги објави имињата на четворицата американски резервисти убиени во ирански напад со беспилотно летало во Кувајт, како дел од ескалацијата на конфликтот со Иран. Нападот се случил на 1 март, кога дрон погодил команден центар во пристаништето Шуаиба, клучен логистички центар за американските сили, еден ден по почетокот на американско-израелските напади врз Иран.
Загинатите се капетанот Коди Хорк (35) од Винтер Хејвен, Флорида, наредникот Никол Амор (39) од Вајт Бер Лејк, Минесота, наредникот Ноа Тиетјенс (42) од Белвју, Небраска и наредникот Деклан Коуди (20) од Де Мојн, Ајова. Деклан Коуди постхумно бил унапреден од чин каплар.
Сите четворица биле членови на 103-та Команда за поддршка од Де Мојн, Ајова, одговорна за обезбедување храна, гориво, вода, муниција, транспорт и опрема за американските трупи.
„Сите овие мажи и жени храбро се пријавија како доброволци да ја бранат нашата земја и нивната жртва никогаш нема да биде заборавена“, изјави министерот за одбрана Даниел Дрискол. Истражната постапка за нападот сè уште е во тек.
