Американскиот претседател Доналд Трамп планира сите странски туристи да ги наведат своите смсетки на социјалните мрежи од последните пет години при влез во САД, според документ на Царинската и граничната заштита (CBP). Ова би било задолжително за сите нови влезови, без оглед дали туристите доаѓаат од земји со визен режим или од оние кои патуваат преку ESTA.
Покрај профилите на социјалните мрежи, CBP планира да собира и е-адреси, телефонски броеви, адреси и имиња на членови на семејството од последните пет години. Ова би влијаело на патниците од земји како Обединетото Кралство, Германија и други кои сега патуваат без виза.
Предлогот е објавен за јавна расправа, а граѓаните имаат 60 дена да ги достават своите коментари. Претходно оваа година, Стејт департментот веќе побара од одредени апликанти за визи да ги објават своите профили, што беше оценето како „без преседан“ од Фондацијата Електронска граница.
Проширеното следење ќе ги вклучи и апликантите за H-1B визи, додека администрацијата истовремено ги заострува политиките за легална имиграција, вклучувајќи контроли врз лица поврзани со протести и безбедносни инциденти.
