Британската војска изведе необична спасувачка мисија откако постоело сомневање дека британски државјанин на островот Тристан да Куња е заразен со хантавирус.
Според британските медиуми, мажот претходно патувал со бродот „MV Hondius“, каде била регистрирана епидемија на опасниот вирус. Неколку недели по напуштањето на бродот, тој пријавил симптоми и бил ставен во изолација на оддалечениот остров во Јужниот Атлантик.
Поради специфичната локација и невозможноста за пристап со авион, британската армија испратила тим од падобранци и медицински персонал кои се спуштиле директно на островот.
Од Министерството за одбрана соопштија дека ова е првпат воени медицински лица да бидат испратени со падобран за хуманитарна интервенција.
Тристан да Куња важи за едно од најизолираните населени места во светот, со само 221 жител и пристап единствено преку брод.
