Иранскиот претседател Масуд Пазешкијан порача дека Техеран нема да го прекрши прекинот на огнот освен ако Израел прв не го наруши. Во изјава за државната агенција IRNA, тој подвлече дека Иран е подготвен за преговори, но и цврсто ќе ги брани правата на својот народ.
Од другата страна, израелскиот премиер Бенјамин Нетанјаху во телефонски разговор со американскиот претседател Доналд Трамп изјави дека Израел ќе се воздржи од понатамошни напади. Трамп, кој вчера објави дека е постигнат прекин на огнот, изрази надеж дека тој ќе биде стабилен – и покрај тоа што и Израел и Иран се обвинија за прекршување на договорот.
