Во италијанската област Бреша се случи страшна несреќа – мал авион се урна директно на автопат и експлодираше. Авионот полетал околу пладне од Грањано Требиенсе, но кратко потоа се срушил на асфалтот и се запалил при ударот.
Во леталото се наоѓале 75-годишниот адвокат од Милано, Серхио Равалџи, и неговата 60-годишна партнерка Ана Марија Де Стефано. Двајцата загинале на лице место.
Видеото ја прикажува моменталната експлозија по падот, како и возила што се судираат со огнената топка. И покрај драматичните сцени, никој од возачите не е сериозно повреден.
На местото веднаш пристигнале пожарникари, итна помош и полиција, а сообраќајот бил во целосен прекин додека траело гаснењето и расчистувањето. Се очекува истрагата да ги открие причините за трагедијата.
ВИДЕО
