Скандал ја потресе кипарската полиција откако на социјалните мрежи се појави видео на кое се гледаат двајца полициски службеници во интимен однос во службена кола, сред бел ден, на ливада близу Ларнака. Полицијата го потврди видеото како автентично и информираше дека инволвираните лица се идентификувани и веднаш суспендирани. Едниот бил на должност во моментот на инцидентот.
„Таквото однесување е недозволиво и ја поткопува довербата што ја ужива полицијата кај јавноста“, изјавија од МВР. Во тек е и истрага за дисциплинска и евентуално кривична постапка, заради занемарување на службени обврски и непристојно однесување на јавен простор.
Истрагата ќе се прошири и на лицето што го снимило и објавило видеото, заради можни прекршувања на законите за заштита на лични податоци. Полицијата апелираше до јавноста за воздржаност, потсетувајќи дека случајот засега и приватни семејства.
