По серија напади врз израелските сили во јужниот дел на Појасот Газа, премиерот на Израел, Бенјамин Нетанјаху, издаде наредба за спроведување на итни и силни воени акции против позиции на Хамас, соопшти кабинетот на израелскиот премиер.
Оваа одлука следува по итен состанок на израелскиот Совет за безбедност, каде што се разгледуваше како да се одговори на повторените прекршувања на примирјето од страна на палестинското движење Хамас.
Според информации на Times of Israel, тензиите се зголемиле по тоа што Хамас ги предал останките од неколку израелски заложници, вклучувајќи го и Офир Карфати, чијшто телесен останок бил пронајден во декември 2023 година, два месеца по неговото киднапирање.
Израелскиот кабинет остро реагираше, истакнувајќи дека Хамас го прекршил договорот за размена на телата на 13 убиени заробеници, што ја поткопува можноста за стабилизирање на примирјето.
Во официјалното соопштение се наведува дека армијата ќе спроведе одлучни и координирани удари со цел да се спречат нови напади и да се одговори на секој акт на агресија врз израелскиот народ.
Аналитичарите предупредуваат дека новиот бран на насилство може повторно да ја разори кревката рамнотежа во Газа и да ги загрози сите понатамошни дипломатски напори за деескалација.
Не дознавај последен- читај ПРВ.мк
