Американскиот претседател Доналд Трамп изјави дека ѝ наредил на американската армија да биде подготвена за воени напади врз Иран доколку Техеран се обиде да изврши атентат врз него.
Во објава на својата социјална мрежа „Truth Social“, Трамп наведе дека веќе се издадени конкретни наредби до вооружените сили.
„Илјада ракети се распоредени и насочени кон Исламската Република Иран, а уште илјадници се подготвени веднаш да следат доколку иранската влада ја исполни својата закана, упатена на многу места низ целиот свет, за атентат или обид за атентат врз актуелниот претседател на САД – во овој случај мене!“, напиша Трамп.
Тој додаде дека американската војска е подготвена, доколку биде потребно, да изврши силен воен одговор.
„Наредбата веќе е издадена, а американската армија е подготвена целосно да ги опустоши и уништи сите области на Иран“, порача американскиот претседател.
Изјавата доаѓа во период на зголемени тензии меѓу Вашингтон и Техеран, по серијата меѓусебни обвинувања и безбедносни инциденти во регионот.
