Бран шумски пожари продолжува да беснее низ Европа, а најтешки последици се регистрирани во Грција, Белгија и Шпанија.
На грчкиот остров Саламина, повозрасен брачен пар го загубил животот во пожар во областа Перистерија. Нивните тела биле пронајдени пред нивниот дом, додека повеќе од 500 луѓе добиле наредба за евакуација поради ширењето на огнот.
Драматична е ситуацијата и во Белгија, каде што властите се борат со пожар кој е опишан како најголем во современата историја на земјата. Огнената стихија во природниот резерват Хај Фенс зафатила околу 3.000 хектари и се приближила до границата со Германија.
Околу 600 жители на Вам и Битгенбах добиле наредба да ги напуштат домовите, а во гаснењето се вклучени повеќе од 250 пожарникари и припадници на итните служби, со помош и од Германија, Холандија и Шведска.
Пожарите однесоа човечки живот и во Шпанија, каде што војник загинал додека помагал во гаснењето на голем пожар во Арагон. Огнот таму беснее веќе една недела и се заканува и на манастир стар околу 1.000 години.
Високите температури и сушните услови дополнително ја отежнуваат борбата со пожарите во повеќе европски држави.
