Иран испрати јасна порака за безбедноста во Ормутскиот теснец, нагласувајќи дека меѓународните обврски мора да одат рака под рака со почитување на неговиот територијален интегритет и суверени права.
Али Мусави, кој воедно е и амбасадор на Иран во Обединетото Кралство, изјави за новинската агенција Мехр дека Техеран е подготвен да соработува со Меѓународната поморска организација и со други држави за унапредување на поморската безбедност и заштита на морнарите.
Според него, Ормутскиот теснец останува отворен за меѓународна пловидба, но со важна ограда – бродови поврзани со „непријателите на Иран“ нема да имаат слободен премин. Тој додаде дека транзитот е можен, но само преку координација со иранските власти и договорени безбедносни мерки.
Мусави потенцираше дека дипломатијата останува главен приоритет на Иран, но нагласи дека за стабилизација е неопходно целосно запирање на, како што рече, „агресијата“, како и градење меѓусебна доверба.
Воедно, тој ги обвини САД и Израел дека се главната причина за актуелната ескалација и тензиите во регионот, особено во чувствителната зона на Ормутскиот теснец – една од најважните глобални рути за транспорт на нафта.
