Хрватскиот премиер Андреј Пленковиќ на Стратешкиот форум во Блед ја истакна „суровата политичка реалност“ на Западен Балкан, предупредувајќи дека Србија се наоѓа на работ на граѓанска војна.
На панел-дискусија со премиерите на Словенија, Албанија и Црна Гора, Пленковиќ рече дека Северна Македонија е блокирана, додека Србија веќе повеќе од две години е погодена од сериозни внатрешни немири и демонстрации, што ја става земјата во ризик од граѓански конфликти.
Тој исто така посочи дека во Босна и Херцеговина, позицијата на Милорад Додик и неговите обиди за одвојување создаваат постојана нестабилност, додека случувањата во Бањска во 2023 година минале без сериозни реакции од ЕУ, иако реалноста е сосема различна.
Пленковиќ нагласи дека проширувањето на Европската Унија е важно, но потенцира дека политичката стабилност на земјите кандидати мора да се обезбеди пред приклучувањето, особено во променливиот глобален контекст.
