Есмералда Ферер Гарибај (32), позната како Есмералда ФГ, нејзиниот сопруг Роберто Карлос Гил Лисеа (36) и нивните деца, синот Гаел (13) и ќерката Реџина (7), се пронајдени мртви во напуштен пикап во Гвадалахара, Мексико. Властите го потврдија нивниот идентитет деновиве.
Семејството се преселило во Гвадалахара пред неколку месеци поради работа. Роберто се занимавал со купување и продажба на возила и одгледување домати, а истражителите веруваат дека убиствата можат да бидат поврзани со неговите деловни активности.
Видео надзор и балистички докази укажуваат дека убиствата се случиле во близина на автосервис. Двајца мажи беа приведени за изјави, но подоцна ослободени поради недостаток на докази. Неколку минути по напуштањето на обвинителството, вооружени мажи насилно одвеле тројца од нив, додека еден успеал да избега.
Истрагата е во тек, а властите продолжуваат да ги бараат исчезнатите сведоци и да утврдат точни околности на трагичниот настан.
