Американска компанија отвори резервации за првиот хотел на Месечината, проект кој треба да биде реализиран до 2032 година. За да се обезбеди место меѓу првите гости, заинтересираните мора веднаш да уплатат депозит од еден милион долари.
Од компанијата тврдат дека ќе изградат трајна структура на лунарната површина, користејќи напредна технологија и материјал од самата Месечина. Првите гости ќе бидат богати авантуристи и луѓе со претходно искуство во вселенски летови.
Проектот веќе предизвикува лавина реакции, а многумина се прашуваат дали ова е иднината на туризмот или најлудата идеја досега.
