Кина ја претстави новата технологија во форма на беспилотни летала кои се лансираат директно од артилериски проектили, со што се создава нова категорија дронови комбинирани со артилериска технологија за извидување и напад.
Дронот Tianyan е дизајниран да се лансира од 155 мм артилериски системи и е сместен во посебна капсула од не’рѓосувачки челик со висок отпор, што му овозможува да преживее екстремни услови при лансирањето.
Овој проект првпат беше претставен во 2013 година под името Tianyan (Небесно око) во рамките на кинески воен натпревар за развој на нови концепти на летала. До неодамна се сметаше дека електронските компоненти не можат да издржат големи G-сили што се јавуваат при лансирање од топ, но главниот инженер Хуанг Џунлуан го ревидираше концептот, заменувајќи електроника со механички решенија за поголема издржливост.
По серија ригорозни тестови за отпорност на удар и симулации на внатрешен стрес, системот докажа дека дронот може да функционира во екстремни услови.
Клучната предност на Tianyan е неговата способност брзо и ефикасно да испорача дронови во длабочина на непријателските одбранбени линии, без потреба од традиционални платформи кои се послаби на откривање и напад. Притоа, овој систем ги користи веќе постоечките артилериски инфраструктури, што го прави и поевтин, но и потежок за неутрализирање.
