Унгарскиот премиер Виктор Орбан јасно порача дека Украина ги засилува нападите кон Унгарија затоа што Будимпешта ѝ го блокираше патот кон Европската Унија. Тој истакна дека Киев мора да сфати дека не може да им диктира на Унгарците како да размислуваат.
Орбан преку својот профил на Фејсбук појасни дека Унгарија од стратешки и фундаментални причини не го поддржува пристапувањето на Украина во ЕУ. Тој додаде дека Будимпешта не бара војна и дека не сака да ја гледа уништена европската, а со тоа и унгарската економија.
„Киев мора да прифати дека не е тој кој ќе одлучува како да мисли унгарскиот народ“, подвлече Орбан во својата изјава. Оваа порака ја испрати во време на зголемени тензии и воен притисок во регионот, носејќи нови предизвици во односите помеѓу Украина и нејзините соседи.
