ПРВ.мк
Свет

Илон Маск алармира: Европа ќе исчезне пред сите очи ако не се родат повеќе деца

Илон Маск алармира: Европа ќе исчезне пред сите очи ако не се родат повеќе деца

Американскиот милијардер и претприемач Илон Маск повторно предупреди на сериозната демографска криза што ја очекува Европа. Според него, ако стапката на наталитет не се зголеми барем до нивото на замена на населението, Европа ќе се соочи со постепено изумирање. Маск ја изнесе оваа изјава на социјалните мрежи, нагласувајќи дека ситуацијата е алармантна и бара итни мерки.

Ова не е првпат тој да зборува за демографските предизвици. Во декември 2024 година, Маск изјави дека Европа – со акцент на Германија – е на пат кон исчезнување поради ниските стапки на наталитет. Тој додаде дека европските земји се наоѓаат во „голем проблем“ бидејќи со сегашниот тренд ќе се соочат со недостиг на работна сила, стареење на населението и економски пад.

Според експертите, ваквите предупредувања не се без основа. Податоците покажуваат дека повеќето европски држави веќе со години имаат наталитет под потребното ниво за обновување на населението. Доколку трендот продолжи, последиците ќе бидат долгорочни и тешко поправливи.

Маск често нагласува дека човештвото мора да инвестира во иднината преку нови генерации, инаку континентите како Европа ќе се соочат со драматичен пад на своето значење и влијание.

Escape