Израелскиот министер за култура, Мики Зохар, денес нагласи дека привремениот прекин на огнот за ослободување на заложниците кои ги држи Хамас во Газа не е приоритет на владината агенда. Тој истакна дека Израел се залага единствено за целосен договор кој ќе обезбеди крај на војната и враќање на сите заложници.
„Веќе нема можност за делумен договор. Единствената тема е завршување на војната, со враќање на сите заложници и демилитаризација на Појасот Газа“, изјави Зохар за Канал 12.
Хамас претходно понуди двомесечно примирје во рамките на кое би ослободил 10 од 48-те израелски заложници кои, според нив, се’ уште се живи во Газа. Израелската влада засега не дала одговор на оваа понуда и продолжува со подготовките за преземање на контролата над градот Газа.
Ова ја потврдува одлуката на Израел дека се нема да се прифати делумен договор и дека нивниот фокус останува на целосна победа и враќање на сите заробени лица.
