Украинскиот претседател Володимир Зеленски утре попладне ќе се сретне со американскиот претседател Доналд Трамп во Хаг, на маргините на Самитот на НАТО. Средбата се очекува да биде клучна за идната американска воена и дипломатска поддршка за Украина.
Главни теми ќе бидат нови испораки на оружје, особено системите „Патриот“, дополнително заострување на санкциите кон Русија, и барањето на Зеленски за намалување на ценовниот плафон на руската нафта од 60 на 30 долари. САД досега не одобрија нова помош под водство на Трамп, но украинската страна се надева на пресврт.
Претходните средби меѓу Зеленски и Трамп беа напнати, но овој состанок може да го одреди понатамошниот тек на американската поддршка.
