Унгарија повеќе не е „сигурна тврдина“ за контроверзните светски лидери! Новиот премиер Петер Маѓар подготвува дипломатска стапица која може да заврши со меѓународен скандал од невидени размери. Тој јасно порача: Унгарија се враќа во Меѓународниот кривичен суд (ICC), а законите ќе важат за сите – вклучително и за израелскиот премиер Бенјамин Нетанјаху.
По 16 години владеење, Виктор Орбан се обиде да ја извлече Унгарија од ICC за да го заштити својот пријател Нетанјаху, за кого во Хаг е издаден налог за апсење поради воени злосторства во Газа. Сепак, Маѓар веднаш по изборната победа на 12 април ги поништи овие одлуки. Унгарија останува членка, а со тоа и должна да го уапси секој што е баран од меѓународната правда.
Израелските медиуми се во паника по веста дека Маѓар го поканил Нетанјаху во Будимпешта на 23 октомври. На прашањето дали ќе го уапси својот гостин, Маѓар беше ладнокрвно директен:
„Ако лице за кое постои налог за апсење влезе на наша територија, тоа лице треба да биде уапсено. Претпоставувам дека секој шеф на држава ги познава законите.“
Оваа изјава сугерира дека унгарскиот премиер нема намера да прави исклучоци. Иако телефонски го поканил Нетанјаху, тој не го предупредил за последиците, сметајќи дека израелскиот лидер е свесен за правниот ризик. Дали Нетанјаху ќе се осмели да стапне во Будимпешта по 2 јуни, кога враќањето во ICC станува официјално, или ова е дефинитивен крај на унгарско-израелското пријателство?
Светот со неверување гледа како новата унгарска власт покажува заби. Ако Нетанјаху се појави во Будимпешта, 23 октомври 2026 година може да биде денот кога историјата ќе се пишува со полициски извештаи!
