Украинскиот министер за одбрана, Денис Шмигал, и норвешкиот министер за одбрана, Торе Сандвик, потпишаа договор за заедничко производство на украински дронови, соопшти украинската новинска агенција Укринформ.
„Украина и Норвешка заеднички ќе произведуваат украински дронови. Овој договор е важен чекор за проширување на нашите капацитети и зајакнување на одбраната на Украина“, напиша Шмигал на својот Фејсбук профил.
Следниот чекор ќе биде брзото лансирање на пилот-производствена линија во 2026 година, додека се планира понатамошно проширување на капацитетот. Украина ќе ги сподели своите искуства и иновации со Норвешка, додека за возврат ќе добие силна производствена линија за снабдување на украинските војници со модерни дронови, како и соработка во истражувањето и дизајнот со водечките норвешки институции.
Шмигал ѝ се заблагодари на Норвешка за поддршката и ја оцени соработката како стратешки важна за иднината на украинската одбрана.
