На периферијата на Равена, Италија, во близина на каменолом, вчера се случила сериозна сообраќајна несреќа во која животот го загубил 60-годишен маж од Македонија, кој живеел во Луго.
Според италијанските медиуми, несреќата се случила кога два камиона се движеле во спротивни насоки – едниот влегувал, а другиот излегувал од каменоломот – и директно се судриле, предизвикувајќи тешки последици.
Покрај загинатиот, другиот возач е повреден и пренесен во болница за укажување на лекарска помош. Загинатиот е идентификуван како Ислами Месут, 60-годишен државјанин на Македонија.
Случајот е во надлежност на локалните власти, а истрагата за причините на несреќата продолжува.
