Неколку региони во Русија прогласија воздушна тревога и пријавија прекини на струја и греење поради украински напади со дронови и ракети.
Во Белгородската област, која се граничи со Украина, гувернерот Вјачеслав Гладков објави дека еден напад ја оштетил енергетската и грејната инфраструктура на градот. Се вршат поправки, а пријавени се и оштетувања на објекти и возила.
Во Воронежка област, која се граничи со Белгород, гувернерот Александар Гусев исто така пријави ракетни и дронски напади, додавајќи дека дел од дроновите биле пресретнати од противвоздушната одбрана. Пожар во една општинска постројка бил брзо изгаснат, а непотврдени извештаи наведуваат дека била погодена и градската комбинирана термоелектрана. Гусев предупреди дека делови од Воронеж би можеле привремено да останат без струја и греење, а на жителите им беше препорачано да се засолнат во бункери.
Во Таганрог, во Ростовската област, исто така се пријавени експлозии и прекини на електрична енергија.
Во меѓувреме, Украина соопшти дека претрпела десетици напади врз нејзината енергетска инфраструктура, нарекувајќи ги едни од најжестоките од почетокот на војната. Од 69 напади со дронови, 34 биле одбиени, додека Русија претходниот ден извршила напади со 458 дронови, 45 ракети и крстосувачки проектили.
Украинските граѓани и понатаму се сериозно погодени од прекини на струја, греење и топла вода.
